Tungkol sa mga Proseso sa Munisipyo

Pagpapakilala sa mga Proseso sa Munisipyo.

  • Sertipiko ng Paninirahan
  • Abiso ng pagbabago ng tirahan
  • Pagrereport ng kasal
  • Pagrereport ng diborsyo
  • Pagrereport ng kamatayan
  • Pagpaparehistro ng seal o name stamp (hanko)
  • Pensyon

Guidebook sa Pamumuhay at Pagtatrabahohttps://www.moj.go.jp/isa/content/930005835.pdf

Sertipiko ng Paninirahan

Ayon sa pagbabago ng sistema ng resident card. Ang sertipiko ng residente ay maaaring makuha sa munisipyo. Ayon sa bagong sistema ang may asawang Hapon na dayuhan ay makakasama sa sertipiko ng residente.

Abiso ng pagbabago ng tirahan

Kapag nagbago ang iyong tirahan dahil sa paglipat, kinakailangan mong magsumite ng mga sumusunod na abiso:

  • Abiso ng Paglipat : Maghain ng abiso sa munisipyo sa loob ng 14 na araw mula sa araw ng iyong paglipat sa bagong tirahan. Kung ikaw ay pumasok sa Japan at nagsumite ng abiso ng paglipat, makakatanggap ka ng “Abiso ng My Number Card” sa pamamagitan ng koreo. Ang “My Number” ay isang 12-digit na numero na ginagamit upang kilalanin ang isang tao para sa mga layunin ng seguridad panlipunan, buwis, at pagtugon sa sakuna sa Japan. Para sa karagdagang impormasyon, mangyaring sumangguni sa sistema ng My Number sa ibaba
  • Abiso ng Pagbabago ng Tirahan : Kung lumipat ka sa loob ng parehong munisipyo, magsumite ng abiso sa loob ng 14 na araw.
  • Abiso ng Pag-alis : Kung lilipat ka sa ibang munisipyo o sa ibang bansa, magsumite ng abiso sa munisipyo ng iyong kasalukuyang tirahan. Maaaring isumite ang abisong ito hanggang 14 na araw bago ang iyong paglipat.

Pagrereport ng kasal

Kung kayo ay magpapakasal, kailangang magsumite ng Rehistrasyon ng Kasal sa munisipyo ng lungsod, bayan, o nayon kung saan nakatira ang isa sa inyo.

Bukod dito, maaaring kailanganin din ang mga proseso sa Regional Immigration Bureau at sa embahada o konsulado ng inyong sariling bansa.

Kung parehong dayuhan ang magpapakasal sa Japan, makipag-ugnayan sa embahada o konsulado ng bawat isa upang alamin ang kinakailangang mga dokumento at proseso.

Pagrereport ng diborsyo

Kung kayo ay magpapasya na magdiborsyo sa pamamagitan ng mutual na kasunduan  kailangang magsumite ng Abiso ng Diborsyo sa munisipyo ng lungsod, bayan, o nayon kung saan nakatira ang isa sa mag-asawa.

Bukod dito, maaaring kailanganin din ang mga proseso sa Regional Immigration Bureau at sa embahada o konsulado ng inyong sariling bansa.

Pagrereport Kamatayan

Kapag may namatay na kamag-anak o kasamang naninirahan sa Japan, kailangang magsumite ng Abiso ng Kamatayan sa munisipyo ng lungsod, bayan, o nayon kung saan nakatira ang namatay o ang taong magsusumite ng abiso, sa loob ng 7 araw mula nang malaman ang pagkamatay.

Kung ang namatay ay isang dayuhan, ang kanyang Residence Card ay kailangang isauli sa Immigration Services Agency sa loob ng 14 na araw.

Pagpaparehistro ng seal o name stamp (hanko)

Sa halip na pirma, maaaring kailanganin ang personal na selyo (inkan/hanko) sa ilang mga dokumento.
Lalo na para sa mga mahalagang dokumento, kinakailangan na ang iyong selyo ay nakarehistro sa munisipyo kung saan ka nakatira.

Pensyon

Sa ilalim ng pampublikong sistema ng Japan, lahat ng taong naninirahan sa Japan na may edad 20 hanggang wala pang 60 taong gulang ay kinakailangang sumali sa pampublikong sistema ng pensyon.

Para sa mga self-employed, mag-aaral, at mga hindi nagtatrabaho sa kumpanya, kailangang sumali sa Pambansang Pensyon (Kokumin Nenkin).

Ang proseso ng pagpapatala ay isinasagawa sa munisipyo kung saan nakatira ang mismong tao.

Sistema ng My Number

Ang lahat ng taong naninirahan sa Japan ay mayroong “My Number” (Personal Number) na binubuo ng 12-digit na numero.

Kapag ikaw ay pumasok sa Japan at nagsumite ng Moving-in Notification sa munisipyo, makakatanggap ka ng “Abiso ng My Number” sa pamamagitan ng koreo. Nakasaad sa abisong ito ang iyong My Number.

Gamit ang application form na kasama sa Abiso ng My Number, maaari kang mag-apply para sa My Number Card.
Ang My Number Card ay isang IC chip card na mahalaga para sa maginhawang pamumuhay sa Japan. Maaari itong gamitin bilang opisyal na pagkakakilanlan (ID) at bilang health insurance card sa mga ospital at botika.